F-01205H – IRIS Participant Education: Self-Direction Responsibilities / Page 3 of 3
DEPARTMENT OF HEALTH SERVICES
Division of Medicaid Services
F-01205H (02/2017) / STATE OF WISCONSIN
IRIS Tus Neeg Koom Txoj Kev Kawm: Yus Kheej Yog Tus Tswj Cov Luag Hauj Lwm
IRIS PARTICIPANT EDUCATION: SELF-DIRECTION RESPONSIBILITIES
Cov Lus Qhia: / Daim ntawv no yog muab siv ua qhov lees paub tias tau ua raws li IRIS (Include, Respect, I Self-Direct) Qhov Kev Pab Cuam tus neeg koom txoj kev kawm. Qhov ua kom tiav daim ntawv no tsis yog ib qhov kom yuav tsum tau ua los ntawm Wisconsin State Statute; tab sis li cas los, qhov ua tiav daim ntawv no yog ib qhov kom yuav tsum tau ua los ntawm IRIS Qhov Kev Pab Cuam. IRIS Tus Kws Pab Tswv Yim (IRIS Consultant) yuav tsum lees paub tias nws tau saib daim ntawv no lawm thiab.
LUS CIM: / Yuav tsum muab tag nrho cov ntaub ntawv khaws cia rau hauv tus neeg koom cov ntaub ntawv thiab yuav tsum muab kom tau rau Department of Health Services (DHS) thaum hais kom muab.
1.  Kuv tau kawm paub txog thiab tau tham txog qhov yus kheej yog tus tswj kuv cov kev txhawb zog thiab kev pab (self-direct my supports and services) yog txhais li cas thiab kuv tau muaj lub cib fim los tias nws yog txhais li cas.
2.  Kuv paub tias ib feem ntawm yus kheej yog tus tswj (self-direction) yog txhais hais tias yus nrog koom tes rau hauv txoj kev tsim kom tau kuv daim phiaj IRIS (IRIS Plan) thiab muab hloov kho rau thaum yuav tau kho.
3.  Kuv paub tias kuv yuav tsum siv cov kev pab muaj nyob rau hauv kuv daim npav (Medicaid ForwardHealth Card) ua ntej kuv mus siv tau IRIS peev nyiaj pab. IRIS yog qhov chaw pab qhov kawg thaum tsis muaj qhov chaw twg pab lawm.
4.  Kuv paub tias kuv yuav tsum tsim kom tau ib daim phiaj npaj rau tom qab thaum muaj xwm kub ceev (emergency back-up plan). Qhov no yog ua kom paub tseeb tias kuv yeej npaj txhij yog thaum muaj ib yam dab tsi ceev cuam tshuam rau cov neeg muab kev tu kuv uas niaj hnub pab kuv no.
5.  Kuv to taub tias kuv yuav tsum muab tej ntaub ntawv tam sim no rau IRIS hais txog txoj kev saib xyuas kuv los yog daim ntawv tso cai txiav txim-muab kev kho mob rau kuv (Power of Attorney-Health Care). Tej ntaub ntawv no muaj rau ntawd kom paub tseeb tias cov neeg muaj cai txiav txim rau kuv raws txoj cai muaj cai txiav txim siab sawv kuv cev.
Kuv muaj: / Tus Neeg Saib Xyuas / Daim Ntawv Tso Cai Txiav Txim -Muab Kev Kho Mob / Tsis Muaj
6.  Kuv paub tias kuv yuav tsum nyob nrog nraim IRIS qhov kev pab cuam. IRIS Tus Kws Pab Tswv Yim rau kuv yuav hu rau kuv tsawg kawg ib hlis ib zaug thiab yuav tuaj saib kuv hauv tsev 3 lub hlis twg ib zaug. Kuv yuav tau muaj qhov txheeb xyuas txhua xyoo (Long Term Care Functional Screen) muab ua kom tiav nyob hauv kuv tsev los ntawm IRIS ib tug kws paub hauj lwm (IRIS Screening Specialist) kom paub tseeb tias kuv tseem muaj feem tsim nyog tau txais IRIS qhov kev pab cuam. Kuv muaj lub luag hauj lwm los qhia rau Tus Kws Pab Tswv Yim rau kuv hauv IRIS thaum kuv hloov kuv tus xov tooj los yog lwm yam uas yuav cuag tau kuv.
7.  Kuv paub tias cov ntawv teev xuaj moos (timesheets), cov ntaub ntawv thov kom ntxiv nyiaj (reimbursement requests), los yog cov ntaub ntawv kom them nyiaj (claims) rau IRIS tej khoom siv thiab tej kev pab yuav muab xa tsis tau mus thaum kuv tseem nyob hauv cov chaw xws li tsev kho mob, tsev laus, tsev kaw neeg, los yog lwm lub tuam tsev kho mob. Mus saib IRIS Phau Ntawv (IRIS Policy Manual) 2.3C kom paub ntxiv.
8.  Kuv paub tias tej khoom siv thiab tej kev pab nyob hauv kuv daim phiaj (IRIS Plan) yog muab pab rau kuv kom mus cuag tau kuv cov hom phiaj.
9.  Kuv paub tias kuv yuav tsum kos npe thiab muab phab kos npe ntawm kuv daim phiaj IRIS xa rov qab kom paub tseeb tias kuv cov khoom siv los yog cov kev pab yog IRIS them nyiaj rau.
10.  Kuv paub tias yuav muaj ntawv soj ntsuam (survey) tuaj nug kuv, yuav muaj xam phaj kuv (interview), yuav muaj sib tham tuav tswv yim ua ke nrog tej pab pawg neeg (focus group) hais txog tej kuv tau ntsib tau pom nyob hauv IRIS qhov kev pab cuam. Kuv tsis tas yuav tsum tau koom rau cov hauj lwm no, tab sis kuv paub tias qhov no yog ib lub zoo sij hawm rau kuv pab ua kom IRIS yog ib qhov kev pab cuam muaj zog dua qub lawm yav tom ntej.
11.  Tau hais qhia rau kuv paub thiab kuv to taub tias kuv muaj kev xaiv los mus nyob hauv zej zos siv Qhov Kev Pab Cuam IRIS (Include, Respect, I Self-Direct), los yog mus nyob hauv ib lub tsev laus los yog ICF-ID.
12.  Tau hais qhia rau kuv paub thiab kuv to taub tias kuv muaj cai los mus xaiv cov khoom siv, cov kev txhawb zog, cov kev pab nyob hauv kuv daim phiaj, los yog lwm cov neeg muab kev pab ntawm cov khoom siv, cov kev txhawb zog, cov kev pab no. Tag nrho cov khoom siv, cov kev txhawb zog, cov kev pab uas kuv xaiv yuav tsum yog cov kev pab uas tau tso cai (allowable waiver services).
13.  Kuv to taub tias nws txhais li cas rau ntawm qhov yus los mus ua ib tug tswv hauj lwm (employer) thiab kuv cov luag hauj lwm yog muaj dab tsi thaum kuv xaiv los mus ua ib tug tswv hauj lwm.
14.  Kuv paub tias cov neeg uas kuv yuav lawv los ua hauj lwm rau kuv yuav tsum yog cov tau muab txheeb xyuas tias muaj zoo keeb kwm thiab pom zoo los ntawm qhov chaw khiav hauj lwm fab nyiaj txiag (Financial Services Agency) ua ntej lawv pib ua hauj lwm rau kuv. Thov mus saib IRIS Phau Ntawv (IRIS Policy Manual) Nqe Lus 6.1B kom paub ntxiv.
15.  Kuv tau txais qhov chaw khiav hauj lwm fab nyiaj txiag daim ntawv teem sij hawm them nyiaj rau neeg ua hauj lwm (Financial Services Agency’s Payroll Schedule). Kuv paub tias cov neeg ua hauj lwm rau kuv yuav tsum xa lawv cov ntawv teev xuaj moos (timesheets) ua ntej cov sij hawm tau teem tseg kom tsis pub dhau xwv thiaj tau nyiaj.
16.  Kuv tau txais cov foos siv rau kev khiav tsheb cov mais (mileage) thiab cov khoom siv uas tau pom zoo nyob hauv kuv daim phiaj thiab kuv to taub tias yuav tsum muab los ua kom tiav tas txhij txhua. Kuv to taub tias qhov kuv kos npe rau ntawm cov foos kom them nyiaj txhais hais tias nws muaj tseeb. Kuv tseem to taub ntxiv tias kuv yuav tsum txhob siv tsheb khiav ntau tshaj cov mais (mileage) muab teev rau hauv kuv daim phiaj (IRIS Plan).
17.  Kuv to taub tias yog tau muab feem sib pab them nqi (cost share) rau kuv them xwv kom kuv thiaj li muaj feem tsim nyog tau txais cov nyiaj pab rau IRIS qhov kev pab cuam mas kuv yuav tsum them cov nyiaj no kom raws sij hawm.
Thov nco ntsoov teb kom tas phab ntawv uas kom kos npe rau.
Qhov kuv kos npe rau hauv qab no qhia tias IRIS Tus Kws Pab Tswv Yim rau kuv tau saib daim ntawv no thoob plaws nrog kuv thiab kuv muaj lub cib fim los nug nws tag nrho cov lus nug uas kuv muaj. Qhov kuv kos npe no tseem qhia ntxiv tias kuv to taub cov ntawv saum toj saud raws li tau muab rau kuv pom. Kuv to taub tias yog kuv muaj lus nug txog kuv cov luag hauj lwm ua ib tug koom rau hauv IRIS qhov kev pab cuam yav tom ntej tias kuv nug tau IRIS Tus Kws Pab Tswv Yim rau kuv. Qhov kuv kos npe tseem qhia ntxiv tias kuv to taub tias yog kuv tsis ua raws li IRIS cov cai, kuv yuav raug hais kom tawm ntawm IRIS qhov kev pab cuam mus.
KOS NPE – Tus Neeg Koom Rau Kev Pab Cuam / Hnub Kos Npe
KOS NPE – Tus Saib Xyuas (yog muaj) / Hnub Kos Npe
Qhov kuv kos npe rau hauv qab no qhia tias kuv tus kheej tau saib daim ntawv no ua ke nrog tus neeg koom rau kev pab cuam thiab/los yog tus saib xyuas thiab tau muab lub cib fim rau lawv nug tej lus uas lawv muaj.
KOS NPE – IRIS Tus Kws Pab Tswv Yim / Hnub Kos Npe
Thov kos rau ib qhov hauv qab no:
Kev Cob Qhia Thawj Zaug (Initial Orientation)
Kev Mus Saib Txhua Xyoo (Annual Visit)
Kev Muab Cov Ntaub Ntawv Los Xyuas Dua thiab Kho Rau (Record Review Remediation)