Mc Cormick Buffalo Wings & Spinach Dip
Hickory BBQ Buffalo Wings
1 ènvelòp di Hickory BBQ Buffalo Wings Seasoning Mix di Mc Cormick
2½ liber di ala di galiña
1 lamunchi, salu
Spinach Dip
1 ènvelòp di Spinach Dip Seasoning Mix di Mc Cormick
4 kuchara grandi di mayonès marka Remia
4 kuchara grandi di yògùrt
Preparashon di Hickory BBQ Buffalo Wings
Laba e alanan di galiña bon den poko awa, djus di e lamunchi i salu. Skore e awa i seka e alanan ku ‘keukenpapier’. Kòrta e alanan den dos (si ta deseá por kita e punta di ala tira afó). Pone e alanan den un saku di plèstik, stroi esun saku di Buffalo Wings Seasoning Mix ariba, sera e saku bon i sakudí e saku bon pa tur e alanan keda bon kubrí ku e meskla di speserei. Fura un forma ku fòil i pone e alanan banda di otro ariba. Hinka e forma (no ta tapa e alanan) den un fòrnu bon kayente na 450 °F pa ±30 minüt. Òf por grill e alanan tambe. Sirbi nan ku Spinach Dip.
Preparashon di Spinach Dip
Pone Spinach Dip Seasoning Mix, mayonès i yògùrt den un kòmchi chikitu. Brua tur kos bon, tap’é i hink’é durante di 1 ora den eiskast. Despues ta drei bon i sirbié ku ala di galiña hasá, buskuchi, ‘chips’ òf berdura fresku.
Tep: Por usa e French Onion Dip Seasoning Mix tambe na lugá di Spinach Dip Seasoning Mix. E Seasoning Mix nan di Mc Cormick ta hopi dushi i ta hasi nos bida hopi fásil!!
Revista Desiree edishon #5 ya ta riba merkado!
Na Ulanda por bestèl Revista DESIREE via di nos websait: www.revistadesiree.com
Revista nan di Desiree ta e regalo ideal!
www.revistadesiree.com
www.desireegourmet.com